ساؤتھ ایشین جونیئر ایتھلیٹکس چیمپئن شپ میں شرکت کیلئے پاکستان ٹیم بھارت پہنچ گئی

پاکستان جونیئر ایتھلیٹکس ٹیم واہگہ بارڈر کے راستے بھارت پہنچی۔ پاکستان کا دستہ بارڈر کراس کرنے کے بعد دہلی کیلئے روانہ ہوا جہاں سے دستہ چنئی جائے گا۔ ساؤتھ ایشین جونیئر ایتھلیٹکس چیمپئن شپ 11 سے 13 ستمبر تک چنئی میں ہو گی۔ پاکستان کے دستے میں 12 ایتھلیٹکس، 3 کوچز اور ایک منیجر شامل ہے۔قومی ایتھلیٹس مختلف ایونٹس میں حصہ لیں گے۔ کھلاڑی اور کوچز بھارت میں اچھی کارکردگی کیلئے پر امید ہیں۔