ن لیگ لیبر ونگ کے زیراہتمام  ٹائون ہال میں حمزہ شہباز کی سالگرہ منائی گئی

لاہور( نیوز رپورٹر)سابق وزیر اعلیٰ پنجاب حمزہ شہباز کی سالگرہ کے سلسلہ میں ن لیگ لیبر ونگ کے زیراہتمام ٹائون ہال میں کیک کاٹنے کی تقریب کا انعقاد کیا گیا۔ نذیر خان سواتی، تارا بٹ، ریاض الدین صوفی، منیر ٹکا و دیگر نے شرکت کی۔ شرکاء نے ملکی سلامتی اور حمزہ شہباز کی دارزی عمر کیلئے دعا  کی۔ نذیر خان سواتی ودیگر نے کہا  حمزہ شہباز نے ہمیشہ کارکنوں کو عزت  دی۔ صوبے کیلئے انکی خدمات قابل تحسین ہیں۔ انہوں نے کہا لیگی قیادت ملک کو مشکل حالات سے نکالنے کیلئے کوشاں ہے ‘ ان شااللہ بہت جلد پاکستان دوبارہ خوشحال نظر آئے گا۔