چونیاں:پولیس وین پر حملہ ‘ ملزموں کو چھڑانے کی کوشش‘ زیر حراست 3 ڈاکو زخمی

چونیاں+ قصور (نامہ نگار خصوصی+ نمائندہ نوائے وقت)  تھانہ چھانگا مانگا کے علاقہ جھیل موڑ کے قریب پولیس مقابلہ ہوا ، زیر حراست تین ڈاکو حملہ آور ساتھیوں کی فائرنگ سے زخمی ہو گئے جبکہ 4 ملزم فرار ہو گئے ایس ایچ او اسلم بھٹی نے صحافیوں کو بتایا کہ زخمی تینوں ڈاکو ضلع قصور کے مختلف تھانوں میں راہزنی کی 22 وارداتوں میں ملوث تھے ڈاکوؤں عمران ، رمضان اور عدیل کو حوالات جوڈیشل قصور بھجوایا جا رہا تھا کہ 4 ملزمان اپنے ساتھیوں کو چھڑانے کی نیت سے حملہ آور ہو گئے حملہ آور پولیس وین پر فائرنگ کرتے رہے۔