راولپنڈی(اپنے سٹاف رپورٹرسے)راولپنڈی ریسٹورنٹس کیٹرز سویٹس اینڈ بیکرز ایسوسی ایشن نے راولپنڈی چیمبر آف کامرس اینڈ انڈسٹری کے انتخابات میں میاں پرویز اسلم گروپ کی حمایت کا اعلان کر دیا۔سینئر نائب صدر راولپنڈی ریسٹورنٹس کیٹرز سویٹس اینڈ بیکرز ایسوسی ایشن عثمان طاہر کی جانب سے راولپنڈی چیمبر آف کامرس اینڈ انڈسٹری میاں پرویز اسلم گروپ کے اعزاز میں پرتکلف عشائیہ دیا گیا، صدر ریسٹورنٹس کیٹرز سویٹس اینڈ بیکرز ایسوسی ایشن محمد فاروق چوہدری اور چیئرمین ممتاز احمد نے معزز مہمانوں کا استقبال کیا، گروپ لیڈر میاں پرویز اسلم گروپ سہیل الطاف اور صدر راولپنڈی چیمبر آف کامرس اینڈ انڈسٹری ثاقب رفیق اور صدر انجمن تاجران پنجاب ملک شاہد غفور پراچہ نے خصوصی طور پر شرکت کی، علاوہ ازیں وائس چیئرمین راولپنڈی ریسٹورنٹس کیٹرز سویٹس اینڈ بیکرز ایسوسی ایشن سلیم رضا بٹ، سینئر نائب صدر ملک فضل الرحمان، سینئر نائب صدر چوہدری زاہد محمود، نائب صدر سید ارشد فاروق، نائب صدر حذیفہ انصر، نائب صدر چوہدری ناصر، ایگزیکٹو ممبر ساجد بھٹی، چوہدری شرافت علی اعوان، شیخ نئیر فیروز سمیت راولپنڈی چیمبر آف کامرس اینڈ انڈسٹری کے عہدیداران و ممبران کی کثیر تعداد موجود تھی ، اس موقع پر خطاب کرتے ہوئے صدر محمد فاروق چوہدری اور چیئرمین ممتاز احمد نے مشترکہ طور پر میاں پرویز اسلم گروپ کی حمایت کا اعلان کیا۔