راولپنڈی(جنرل رپورٹر)قائد اکیڈمی اسلام آباد میں گریڈ 18 سے 19 میں ترقی پانے والے اساتذہ کرام کی پروموشن لنک ٹریننگ کی تقریب کا انعقاد کیا گیا، مہمان خصوصی رکن قومی اسمبلی تمکین اختر نیازی تھیں،رکن قومی اسمبلی تمکین اختر نیازی نے کہا کہ اساتذہ کرام مستقبل کی نسل کو صحیح اور ترقی کی راہ پر چلانے میں تعمیری کردار ادا کررہے ہیں۔ اساتذہ کی تعظیم ہم سب پر فرض ہے۔ پروموشن لنک ٹریننگ کا انعقاد خوش آئیند ہے۔ انہوں نے کہا کہ قائد اکیڈمی اساتذہ کی ٹریننگ اور معیاری تدریسی فرائض کی انجام دہی میں کلیدی کردار ادا کرتی ہے۔