پاکستان کی کرکٹ کی حالیہ کشمکش کے تناظر میں وائٹ بال اور ریڈ بال دونوں کوچز گیری کرسٹن اور جیسن گلیسپی نے پاکستان کرکٹ بورڈ (پی سی بی) کو ٹیم کے کپتانوں کے حوالے سے جلد بازی میں فیصلے کرنے کے خلاف مشورہ دیا ہے۔ کوچز کی طرف سے استحکام کا مطالبہ اس وقت ہوا جب دونوں فارمیٹس میں قومی ٹیم کی قیادت پر بحثیں تیز ہو رہی ہیں۔
ون ڈے ورلڈ کپ 2023ء کے بعد بابر اعظم کو شاہین آفریدی کے ساتھ وائٹ بال کے کپتان کی حیثیت سے ان کے کردار سے ہٹا دیا گیا تھا۔ تاہم محض ایک مایوس کن سیریز کے بعد شاہین آفریدی سے ٹی ٹونٹی ٹیم کی کپتانی واپس لے لی گئی ۔ بابر اعظم کے ٹیسٹ کپتانی سے استعفیٰ دینے کے بعد شان مسعود کو نیا ٹیسٹ کپتان مقرر کیا گیا۔شان مسعود کی قیادت میں پاکستان کو حال ہی میں بنگلہ دیش سے ہوم سیریز میں شکست کے بعد دھچکا لگا جس سے ان کے مستقبل کے بارے میں بات چیت شروع ہو گئی۔