قطر کے لوسیل سرکٹ پر ہونے والی سیزن کی پہلی ریس کے کوالیفائنگ مرحلے میں ڈوشاٹی رائیڈر کیسی سٹونر ایک منٹ اور پچپن اعشاریہ صفر سات سیکنڈز کے ساتھ تیز ترین رہے۔ دفاعی چیمپئن اٹلی کے ویلنٹینو روزی ایک منٹ اور پچپن اعشاریہ تین چہ سیکنڈز کے ساتھ دوسرے اور سپین کے جارج لورینزو ایک منٹ اور پچپن اعشاریہ پانچ دو سیکنڈز کے ساتھ تیسرے نمبر پر رہے۔ ڈوشاٹی رائیڈر کیسی سٹونر ایونٹ کے پریکٹس مرحلے میں بھی سرفہرست رہے تھے۔ ایونٹ کی فائنل ریس آج ہو گی۔