لاہور (سپورٹس رپورٹر) 9 واں ایشیا کپ ہاکی ٹورنامنٹ 24 اگست سے ملائیشیا کے شہر ایپو میں شروع ہوگا۔ ایشین ہاکی فیڈریشن نے ایف آئی ایچ کی منظوری کے بعد ٹورنامنٹ میں شرکت کرنے والی ٹیموں کا اعلان کر دیا ہے۔ ٹورنامنٹ میں 8 ٹیمیں حصہ لینگی جنہیں دو گروپس میں تقسیم کیا گیا ہے۔ پاکستان ٹیم کو گروپ اے میں میزبان ملائیشیا، جاپان اور چائنز تایپے جبکہ گروپ بی میں کوریا، بھارت، اومان اور بنگلہ دیش شامل ہیں۔ یکم ستمبر تک جاری رہنے والے ٹورنامنٹ کے حتمی شیڈول کا اعلان انٹرنیشنل ہاکی فیڈریشن کی منظوری کے بعد کیا جائے گا۔