فیروزوالا (نامہ نگار) فائرنگ سے روکنے پر نوجوان کو قتل کر دیا گیا نہر سے نامعلوم شخص کی سرکٹی نعش برآمد ہوئی۔ تفصیلات کے مطابق زمیندار حسین کے بیٹے تنویر نے حویلی کے قریب فائرنگ سے محلہ دار نوجوان کو روکا جنہوں نے برا منایا اس رنج پر ملزمان شاہد، الیاس اور اکبر وغیرہ نے فائرنگ کر دی جس کے نتیجے میں 22 سالہ نوجوان تنویر گولی لگنے سے ہلاک ہو گیا۔ علاوہ ازیں قصبہ سیکھم نہر میں اجنبی شخص کی سرکٹی نعش ملی۔ پولیس نے مقتول کی نعش قبضہ میں لے کر پوسٹ مارٹم کے لئے ہسپتال بھیج دی۔ پولیس نے نامعلوم افراد کے خلاف قتل کے الزام میں مقدمہ درج کر لیا۔ پولیس کا خیال ہے کہ مقتول کو کسی اور جگہ قتل کرنے کے بعد ملزمان نے مقتول کی نعش نہر میں پھینک دی۔