کیلی فورنیا (آن لائن) امریکا کے پہلے صدر جارج واشنگٹن، جرمنی کے حکمراں ایڈولف ہٹلر اور اداکارہ مارلن منرو سمیت متعدد معروف شخصیات کے خطوط سمیت دیگر تاریخی دستاویزات 30مئی کو نیلام کی جائیں گی۔ امریکی ریاست لاس اینجلس کے پروفائل ان ہسٹری نامی نیلام گھر میں امریکا کے سابق صدور، موسیقاروں، مصنفوں اور اداکاروں کے لکھے خطوط نیلامی کے لئے پیش کئے جائیں گے۔ فروخت کے لئے پیش کئے جانے والے خطوط میں برطانوی گلوکار جان لینن کا پاو¿ل مکارتنی کو لکھا گیا خط 40 ہزار سے 60 ہزار ڈالر میں فروخت ہونے کا امکان ہے۔ امریکی اداکارہ مارلن مونرو کا اداکار لی سٹرسبرگ کو لکھا خط بھی شامل ہے جو 30 ہزار ڈالر میں فروخت ہونے کا امکان ہے۔ منتظمین کو امید ہے کہ 250 سے زائد خطوط اور دیگر تاریخی اشیا ءکی نیلامی سے 50 لاکھ ڈالر حاصل ہو سکیں گے۔ مجموعے میں امریکی مصنف اور صحافی آرنسٹ ہمنگ وے، شاعر رالف ولڈو ایمرسن، مصنفہ ہیلن کیلر، مفکر کال مارکس اور برطانیہ کے سابق وزیراعظم ونسٹن چرچل کے خطوط شامل ہیں۔ چمڑے سے بنا تصویری البم جس میں اٹلی کے سیاست دان مسولینی اور جرمنی کے ایڈولف ہٹلر کی تصاویر ہیں اسے بھی نیلامی میں شامل کیا گیا ہے۔ ان تمام اشیا کی نیلامی لاس اینجلس کے پروفائلز ان ہسٹری آکشن ہاو¿س میں 30 مئی کو ہوگی۔