باری تھیٹر ایک ہفتہ بعد کھول دیا گیا، سٹیج ڈرامہ، ’’راجہ اب توآجا‘‘ کی نمائش شروع

لاہور(کلچرل رپورٹر)باری تھیٹر ایک ہفتہ کے بعد کھول دیا گیا ، سٹیج ڈرامہ ’’راجہ اب تو آجا‘‘ کی نمائش شروع ہوگئی ۔ باری تھیٹر انتظامیہ نے تزئین وآرائش اور سیکیورٹی انتظامات کو بہتر کرنے کے لئے بند کردیا تھا ، اس دوران سیکیورٹی کے حوالے سے لوہے کا گیٹ سمیت چاروں اطراف خار دار تاریں لگائی گئیں نیا تربیت یافتہ سیکیورٹی سٹاف ، واک تھرو گیٹ ، میٹل ڈیٹیکر اور کیمرے لگائے گئے ۔ اس کے علاوہ ہال کی سیٹیں ، پردہ اور ساونڈ سسٹم سمیت دیگر تزئین وآرائش کا کام کروایا گیا۔ ’’راجہ اب تو آجا‘‘ میں اداکار طاہر نوشاد ، حامد رنگیلا ، امیتاز مغل،کوہ نور، عالیہ چوہدری ،نگار چوہدری ،بلو رانی ، شبانہ بھٹی،گوگا جی ، ذوالفقار طوطی، جاوید کوڈو ، وحید بٹ شامل ہیں ۔ ڈرامہ کے پروڈیوسر ایم حنیف اور رائٹر ڈائریکٹر وحید بٹ ہیں ۔