پاکستان سینئر‘ پاکستان وائٹ ہاکی ٹیموں کے مابین سیریز رواں ماہ ہوگی

لاہور (سپورٹس رپورٹر+ نمائندہ سپورٹس) پاکستان ہاکی فیڈریشن کے ڈویلپمنٹ پروگرام کے تحت پاکستان سنیئر اور پاکستان وائٹ ہاکی ٹیموں کے مابین پانچ میچوں کی سیریز رواں ماہ ہوگی۔ ہاکی سیریزکا انعقاد ، لاہور اورراولپنڈی میںہوگا، پاکستان ہاکی فیڈریشن کایہ سیریز کروانے کامقصد نئے کھلاڑیوں کو گروم کر نے کیساتھ ساتھ شائقین کھیل کو اس جانب راغب کر نا بھی ہے ، کیمپ میں کھلا ڑیوں کو طلب کرنے کیلئے قومی سلیکشن کمیٹی کی دونوں ٹیموں کی ٹیم مینجمنٹ سے باہمی مشاورت جاری ہے ،سنیئر ٹیم حال ہی میں دورہ نیوزی لینڈ اور آسٹریلیا کے دورہ سے واپس آئی ہے۔