لاہور(آئی این پی) متحدہ نان روٹی ایسوسی ایشن نے حکومت سے گیس اور بجلی کے بلوں میں ریلیف کا مطالبہ کر دیا۔رحمان پورہ میں متحدہ نان روٹی ایسوسی ایشن کے صدرآفتاب گل نے گفتگو کرتے ہوئے کہا موجودہ صورتحال کے پیش نظر حکومت ریلیف پیکج دے رہی ہیں لیکن نان بائی ایسوسی ایشن کو مراعات نہیں دی گئیں جبکہ لاک ڈائون کے باعث شہر کے 60 فیصد تندور بند ہو چکے ہیں تنور بند ہونے سے ہزاروں لوگوں کا روزگارمتاثرہورہا ہے۔ تندروروں کو فائن آٹا اور میدہ بھی مہنگے داموں مل رہا ہے۔