گلوکار طاہر شاہ کے گانے ” فرشتہ “نے دھوم مچادی، ٹاپ ٹرینڈ بن گیا

پاکستان کےمعروف گلوکار طاہر شاہ نےاپنا نیا گانا ' فرشتہ ' ریلیز کردیا،گانا ریلیز کے بعدہی ٹوئٹر پرٹرینڈ بن گیا ۔آئی ٹو آئی  اور ’اینجل‘ گانوں سے شہرت حاصل کرنے والے گلوکار طاہر شاہ نے گزشتہ روز اپنا ایک اور نیا گانا فرشتہ ریلیز کر دیا ۔ طاہر شاہ نے مائیکرو بلاگنگ سائٹ ٹوئٹر پر اپنے نئے گانے ’فرشتہ‘ کی ایک تصویر شیئر کی ، جس کے عنوان میں انہوں نے لکھا کہ بچے زمین کے فرشتے ہوتے ہیں۔اُس کے ساتھ ہی اُنہوں نے اپنے نئے گانے کی یوٹیوب ویڈیو لنک بھی مداحوں سے شیئر کیا۔اِس گانے کو اب تک 86 ہزار سے زائد افراد دیکھ چکے ہیں اوریہ گانا ٹوئٹر پر ٹرینڈ بن گیا اورصارفین کی جانب سے ان کے  اس گانے پر بے حد دلچسپ ردعمل دیکھنے میں آیا ۔