اسلام آباد(نیوزرپورٹر)راولپنڈی اسلام آباد میں آج 11اپریل بروز اتوار کو مطلع جزوی طور پر ابر آلود رہنے کے ساتھ شام /رات کے اوقات میں تیز ہواوں /آندھی اور گرج چمک کے ساتھ بارش کا امکان ہے  جبکہ ملک کے دیگر  بالائی علاقوں میں  بھی مطلع جزوی ابرآلود  رہنے کے ساتھ بعض مقامات پر تیز ہواوں اور گرج چمک کے ساتھ بارش کا امکان ہے۔ محکمہ موسمیات کے مطابق آج اتوار کے روز ملک کے بیشتر علاقوں میں موسم گرم اورخشک جبکہ بالائی علاقوں میں مطلع جزوی ابر آلود رہنے کے ساتھ بالائی خیبر پختونخوا، خطہ پوٹھوہار،گلگت بلتستان اور کشمیر میں تیز ہواوں اور گرج چمک کے ساتھ بارش کا امکان ہے۔گذشتہ 24 گھنٹے کے دوران ملک کے بیشتر علاقوں میں موسم خشک جبکہ سندھ اور جنوبی بلوچستان میں گرم رہا۔