رمضان ٹین پن بائولنگ لیگ راولپنڈی میں شروع 

لاہور(سپورٹس رپورٹر)پاکستان ٹین پن باولنگ فیڈریشن کے زیر رمضان ٹین پن بائولنگ لیگ گزشتہ شب لیزر سٹی باولنگ کلب جناح پارک راولپنڈی میں شروع ہوگئی ہے،لیگ کا افتتاح پاکستان ٹین پن باولنگ فیڈریشن کے صدر اعجاز الرحمن نے کیا۔ اس موقع پر پاکستان ٹین پن بائولنگ فیڈریشن کے سیکرٹری جنرل محمد حسین چٹھہ کے علاوہ شائقین کی کثیر تعداد بھی موجود تھی۔ لیگ کے میچز 23 اپریل تک کھیلے جائیں گے۔