یونس آباد پریمیئر لیگ نائٹ کرکٹ  ٹورنامنٹ کے ڈراز و افتتاحی تقریب

کراچی (اسپورٹس رپورٹر)یونس آباد پریمیئر لیگ نائٹ کرکٹ ٹورنامنٹ کے ڈراز اور افتتاحی تقریب یونس آباد فشرمین ولیج ضلع کیماڑی کراچی میں منعقد ہوئی۔ تقریب کے مہمان خصوصی سندھی ماہیگیر اتحاد کے سربراہ و کوسٹل بیلٹ کے نوجوان جاموٹ فیصل یونس تھے۔کراچی کے ساحلی علاقوں سے ماہیگیر،ملازمت پیشہ،طلباء ،پاکستان نیوی نوجوانوں پر مشتمل 17ٹیموں نے تقریب میں شرکت کی۔آرگنائزنگ کمیٹی کے سیکریٹری شہریار شاہ شیری نیشرکاء  کا خیرمقدم کرتے ہوئے انعامات کی تفصیلات بیان کی۔بزرگ ماہیگیر و اولمپیئن جج علی اکبر شاہ قادری نے کھیلوں کے ذریعے صحت مند ماحول اور باھمی یک جہتی کو فروغ دینے پر زور دیا اور وینیو کی صفائی میں بھرپور تعاون پر معصوم علی کا شکریہ ادا کیا۔جاموٹ فیصل یونس نے سینڈسپٹ روڈ پر نائیٹ کرکٹ کے انعقاد پر شہریار شاہ اور اسکی ٹیم کی کاوشوں کو سراہتے ہوئے ہر اپنے ممکن تعاون کا یقین دلایا۔اس موقع پر علی اکبر شاہ نے جاموٹ فیصل یونس کو یادگار شیلڈ پیش کی تقریب کے اختتام سے قبل شریک ٹیموں کو اسناد دی گئیں۔