لاہور(خصوصی نامہ نگار ) تحریک لبیک یارسول اللہ کے بانی ڈاکٹر محمد اشرف آصف جلالی نے یومِ ام المومنین سیدہ عائشہ صدیقہ رضی اللہ تعالیٰ عنہاکو خراج تحسین پیش کرتے ہوئے کہاہے کہ حضرت سیدہ عائشہ صدیقہ رضی اللہ تعالیٰ عنہا نے فضائل و مناقب، تقدس اور پارسائی میں منفرد مقام پایا۔ رسول اکرم ? کی زوجہ ہونے کی وجہ سے پوری امت کی گردنیں عقیدت سے حضرت سیدہ عائشہ صدیقہ رضی اللہ تعالیٰ عنہا کے سامنے جھکی ہوئی ہیں۔ آپ رضی اللہ تعالیٰ عنہا قرآن مجید کی کامل مفسرہ، احادیث رسول کی مستند راویہ اور سیرتِ مصطفی اور اخلاقِ نبوی کی جامع شارحہ ہیں۔ آپ رضی اللہ تعالیٰ عنہا کا شمار مجتہد صحابہ رضی اللہ تعالیٰ عنہم میں ہوتا ہے۔ آج دخترانِ اسلام کو مغربی تہذیب کے حملوں سے حضرت عائشہ صدیقہ رضی اللہ تعالیٰ عنہا کا دامنِ علم و تقویٰ ہی بچا سکتا ہے۔