لاہور (این این آئی)پاکستان کرکٹ ٹیم کے بولنگ کوچ عمر گل نے کہا ہے کہ کھلاڑیوں کے ساتھ انڈر سٹینڈنگ اور دوستانہ ماحول ہے۔ رسپانس اچھا دے رہے ہیں۔ایک انٹرویومیں عمر گل نے کہا کہ اعزاز اور فخر کی بات ہے کہ مجھے پاکستان ٹیم کے ساتھ دوبارہ موقع ملا ہے۔ عمر گل نے کہا کہ پاکستان کرکٹ کیلئے یہ خوش آئند بات ہے کہ اس وقت اچھے فاسٹ بولرز ہیں۔انہوں نے بتایا کہ ہمارے پاس چھ سات فاسٹ بولرز ایسے ہیں جو 140 سے زائد اسپیڈ کے ساتھ بولنگ کرتے ہیں۔ بولنگ سکلز اور ایکشن پر میں کم وقت میں کام نہیں کرسکتا۔ کوشش یہی ہے کہ گیم کے بارے میں آگاہی پر زیادہ سے زیادہ کام کروں۔زمان خان کے ساتھ ڈیتھ اوورز کے لیے مزید کام کررہا ہوں۔ بھارت میں ہونے والے ورلڈکپ سے قبل ہمیں اپنے فاسٹ بولرز کا خیال رکھنا ہے۔ اگر ورلڈکپ میں اچھا کرنا ہے تو بولرز کو فریش رکھنا پڑے گا۔