نواز شریف نے گھرواپسی کا سفر پوری آن بان کیساتھ شروع کیا ، فاتح ہیروں کی طرح اسلام آباد چھوڑا : امریکی اخبار

نیویارک (آئی این پی) معروف امریکی اخبار نیو یارک ٹائمز نے کہاہے کہ سابق وزیر اعظم نواز شریف نے اپنے گھر واپسی کا سفر پوری آن بان کے ساتھ شروع کیا،ایک فاتح ہیرو کی طرح اسلام آباد کو چھوڑا ، اس موقع پر سیاسی قوت دکھانے کے لیے ان کے ساتھ ہزاروں کارکن بھی موجود رہے۔ جمعرات کو امریکی اخبار نیو یارک ٹائمز نے اپنی رپورٹ میں سابق وزیراعظم نواز شریف کو فاتح ہیرو قرار دیتے ہوئے کہا بے شک وہ معزول وزیراعظم ہی سہی لیکن انہوں نے وفاقی دارالحکومت کو ایک فاتح جانباز کے طور پر چھوڑا ہے۔ رپورٹ میں کہاگیا نواز شریف نے گھر واپسی کا سفر پوری آن بان کے ساتھ شروع کیا۔ اس موقع پر سیاسی قوت دکھانے کے لیے ان کے ساتھ ہزاروں کارکن بھی موجود رہے۔ رپورٹ میں یہ بھی کہاگیا نواز شریف نے عوام کے ساتھ واپسی کے سفر کا ارادہ کرکے شاید کچھ خطرات بھی مول لیے ہیں۔ اس موقع پر ن لیگ کے کارکنوں کا کہنا اس وقت نواز شریف ملک کا واحد اینٹی اسٹیبلشمنٹ لیڈر ہے اور سویلین بالادستی کے لیے کارکن ان کی جدوجہد کے حامی ہیں۔
امریکی اخبار