لاہور(سپورٹس رپورٹر+ نمائندہ سپورٹس+ نوائے وقت رپورٹ) پاکستان نے مصر میں ہونے والی ورلڈ ٹیم سنوکر چیمپئن شپ جیت لی۔مصر کے دارالحکومت قاہرہ میں کھیلے گئے ورلڈ ٹیم سنوکر چیمپئن شپ کے فائنل میں پاکستان کے کیوسٹ ہی آمنے سامنے تھے جس میں پاکستان کی ٹیم ٹو نے پاکستان کی ٹیم ون کے خلاف سنسنی خیز مقابلے کے بعد کامیابی سمیٹی۔ بابر مسیح اور محمد آصف پر مشتمل ٹیم نے سجاد اور اسجد پر مشتمل ٹیم کو 4کے مقابلے میں 5 سیٹ سے شکست دی اور اس طرح ورلڈ ٹیم سنوکر چیمپئن شپ میں سونے اور چاندی کے تمغے پاکستان کے حصے میں آئے۔