نوواک جوکووک کو کینیڈین اوپن میں اپ سیٹ شکست

لاہور (سپورٹس ڈیسک)سربیا کے نوواک جوکووک کو کینیڈین اوپن ٹینس ٹورنامنٹ میں اپ سیٹ شکست ہوگئی۔ تیرہ مرتبہ کے گرینڈ سلیم چیمپئن جووک کا سفر پری کوارٹر فائنل میں ہی ختم ہوگیا۔سربین سٹار کو یونان کے انیس سالہ کھلاڑی سٹیفانوس نے شکست دے دی۔ یونانی کھلاڑی نے چھ تین، چھ سات اور چھ تین سے کامیابی سمیٹی۔ بلغاریہ کے گریگور دیمیتروف نے امریکہ کے فرانسز کو سخت مقابلے کے بعد سات چھ، تین چھ اور سات چھ سے ہرا دیا۔سیمونا ہالیپ، ایلیز مرٹنز اور ایلینا سویتولینا نے راجرز کپ ٹینس ٹورنامنٹ ویمنز سنگلز کوارٹر فائنل رائونڈ میں جگہ بنا لی۔ے ویمنز سنگلز پری کوارٹر فائنل رائونڈ میچز میں رومانیہ کی مایہ ناز ٹینس سٹار اور عالمی نمبر ایک سیمونا ہالیپ نے انتہائی شاندار کارکردگی کا مظاہرہ کرتے ہوئے امریکہ کی نامور ٹینس سٹار اور سابق عالمی نمبر ایک وینس ولیمز کو سٹریٹ سیٹس میں 6-2 اور 6-2 سے ہرا کر ایونٹ کے کوارٹر فائنل رائونڈ میں جگہ بنائی۔جرمن کھلاڑی ایلیز مرٹنز نے بیلاروس کی ؑآرینا سابالینکا کو زیر کر پری کوارٹر فائنل مرحلہ عبور کیا، انکی جیت کا سکور 2-6، 7-6(7-1) اور 6-0 تھا۔ ایک اور میچ میں یوکرائن کی ایلینا سویتولینا نے عمدہ کھیل پیش کرتے ہوئے جوہانا کونٹا کو سٹریٹ سیٹس میں 6-3 اور 6-4 سے مات دیکر ایونٹ کے کوارٹر فائنل کے لئے کوالیفائی کرلیا۔