اسلام آباد (اے پی پی) وزارت منصوبہ بندی، ترقی و اصلاحات نے سرکاری شعبے کے ترقیاتی کاموں کے سلسلے میں مختلف وزارتوں اور ڈویژنوںکے ترقیاتی منصوبوں کے لئے مجموعی طور پر اب تک ایک کھرب ایک ارب 50کروڑ 49 لاکھ روپے سے زائدکے فنڈز جاری کئے ہیں، حکومت نے سرکاری شعبے کے ترقیاتی کاموں کے لئے رواں مالی سال کے لئے 6 کھرب50 ارب روپے کے فنڈز مختص کر رکھے ہیں۔ پلاننگ کمیشن کے جاری اعداد وشمار کے مطابق حکومت نے ایرا کے لئے 30کروڑ، گلگت بلتستان بلاک کے لئے 4 ارب 45کروڑ، اے جے کے بلاک کے لئے4 ارب 96کروڑ، این ایچ اے کے لئے 20 ارب 91کروڑ، این ٹی ڈی سی (پیپکو) کے لئے2 ارب 39کروڑ، واٹر ریسورس ڈویژن کے لئے 13 ارب 55کروڑ، سائنس اینڈ ٹیکنالوجیکل ریسرچ ڈویژن کے لیے 86کروڑ 16 لاکھ، ریونیو ڈویژن کے لئے 28کروڑ 34 لاکھ، ریلویز ڈویژن کے لئے4 ارب 70 کروڑ، پاورٹی ڈویژن کے لئے 2 کروڑ 70 لاکھ، پلاننگ کمیشن کے لئے 70 کروڑ 90 لاکھ، پٹرولیم ڈویژن کے لئے 35کروڑ 72 لاکھ، پاکستان نیوکلیئر اتھارٹی کے لئے7 کروڑ، قومی تاریخ وادبی ورثہ ڈویژن کے لئے3 کروڑ89 لاکھ ،  صحت ڈویژن کے لئے2 ارب 30کروڑ75  لاکھ، نیشنل فوڈ سکیورٹی ریسرچ ڈویژن کے لئے 2 ارب 40کروڑ، نارکوٹکس کنٹرول  ڈویژن کے لئے ایک کروڑ، میری ٹائم افیئرز ڈویژن کے لئے 27 کروڑ 97 لاکھ، لاء جسٹس ڈویژن کے لئے 19 کروڑ 82 لاکھ، داخلہ ڈویژن کے لئے 2 ارب 95کروڑ، بین الصوبائی رابطہ ڈویژن 18 کروڑ 58 لاکھ، انفارمیشن ٹیکنالوجی اور ٹیلی کام ڈویژن کے لئے ایک ارب 8کروڑ 51 لاکھ، انفارمیشن اینڈ براڈکاسٹنگ ڈویژن کے لئے 6 کروڑ 21 لاکھ، صنعت وپیداوار ڈویژن کے لئے16کروڑ، انسانی حقوق ڈویژن کے لئے 5کروڑ 12 لاکھ، ہاؤسنگ اینڈ ورکس ڈویژن کے لئے ایک ارب74 کروڑ 73 لاکھ، ہائر ایجوکیشن کمیشن کے لئے 5 ارب 61کروڑ، فارن افیئرز ڈویژن 20 لاکھ، فنانس ڈویژن کے لئے 12 ارب 93کروڑ، وفاقی تعلیم و پیشہ وارانہ تربیت ڈویژن کے لئے89کروڑ 52 لاکھ، اسٹیبلشمنٹ ڈویژن کے لئے 5 کروڑ 65 لاکھ، ڈیفنس پروڈکشن ڈویژن کے لئے 31 کروڑ58 لاکھ، ڈیفنس ڈویژن کے لئے 13 کروڑ 20 لاکھ، کمیونیکیشن ڈویژن کے لئے 5کروڑ، موسمیاتی تبدیلی ڈویژن کے لئے ایک ارب، کامرس ڈویژن کے لئے 2 کروڑ، کابینہ ڈویژن کے لئے 9 ارب 56 کروڑ، سرمایہ کاری بورڈ کے لئے ایک کروڑ 60 لاکھ، ایوی ایشن ڈویژن کے لئے 21کروڑ 95 لاکھ روپے سمیت مختلف ترقیاتی منصوبوں کے لئے فنڈز جاری کردیئے گئے ہیں۔وزیراعظم ڈویلپمنٹ پروگرام کے تحت وفاقی حکومت نے سندھ کے مختلف اضلاع میں ترقیاتی منصوبوں اور صحت کے بنیادی مراکز کے لیے رواں مالی سال 2020-21ء کے تحت کابینہ ڈویژن کے مختلف منصوبوں کے لیے 3565.684 ملین روپے مختص کیے ہیں۔کابینہ ڈویژن کے حکام کے مطابق وفاقی حکومت نے صوبہ سندھ کے مختلف اضلاع میں وزیراعظم ڈویلپمنٹ پروگرام کے نئے منصوبوں کے لیے فنڈز مختص کیے ہیں ان منصوبوں میں شہید بینظیر آباد، لاڑکانہ اور سکھر کے مختلف منصوبوں کے لیے رواں مالی سال کے سرکاری شعبہ کے ترقیاتی پروگرام میں 1886.243 ملین کے نئے منصوبے کے فنڈز مختص کیے ہیں جبکہ حیدرآباد اور میر پور خاص ڈویژن کے مختلف ترقیاتی منصوبوں کے لیے 1373.441 ملین روپے مختص کیے ہیں اور اسی طرح سندھ کے مختلف اضلاع میں صحت کے بنیادی مراکز کے لیے 306 ملین روپے مختص کیے ہیں۔