بالاکوٹ سے کانشیاں جانیوالی  مسافر جیپ کھائی میں جا گری  2بچیاں جاں بحق‘8افراد زخمی

بالاکوٹ(اے پی پی )بالاکوٹ سے کانشیاں جانے والے مسافر جیپ  بٹکرڑ کے مقام پرگہری کھائی میں گرنے کے نتیجہ میں 2بچیاں جاں بحق،8افراد شدید زخمی ہوگئے۔بالاکوٹ سے کانشیاں جانے والی جیپ نمبربٹکرڑ کے مقام پر ڈرائیورسے بے قابوہوکر گہر کھائی میں گرنے سے 6سالہ مداء بی بی اور8سالہ مستحرا بی بی موقع پر جاں بحق ہوگئیں۔حادثہ میں 8افراد شدید زخمی ہوئے۔حادثہ کی اطلاع پر پولیس نفری موقع پر پہنچ آئی اورمقامی افراد کی مدد سے جاں بحق اورزخمی افراد کو کھائی سے نکالا۔زخمیوں کو ایوب ٹیچنگ ہسپتال ایبٹ آباد منتقل کردیا گیا ہے۔