اسلام آباد (نمائندہ خصوصی)  پیپلزپارٹی کے چیئرمین بلاول بھٹو زرداری ، سربراہ جے یو آئی ف مولانا فضل الرحمن‘  امیر جماعت اسلامی سراج الحق دربار عالیہ گولڑہ شریف کے سجادہ نشینان کی رہائش گاہ گئے۔ چیئرمین بلاول بھٹو زرداری نے سجادہ نشینان پیر سید معین الحق گیلانی اور پیر سید غلام قطب الحق گیلانی سے ملاقات کی۔ بلاول بھٹو زرداری نے دربار عالیہ گولڑہ شریف کے سجادہ نشینان سے پیر سید شاہ عبدالحق گیلانی کے انتقال پر تعزیت کی۔  بلاول بھٹو زرداری نے پیر سید شاہ عبدالحق گیلانی کے ایصال ثواب کے لئے فاتحہ خوانی بھی کی۔ بلاول بھٹو زرداری کے ہمراہ نیر بخاری، راجہ پرویز اشرف، مصطفی نواز کھوکھر اور قاسم گیلانی بھی موجود تھے۔ بلاول بھٹو زرداری نے دربار عالیہ گولڑہ شریف کے سجادہ نشینان کی جانب سے دئیے گئے ظہرانے میں بھی شرکت کی۔ چیئرمین بلاول بھٹو زرداری اور دربار عالیہ گولڑہ شریف کے سجادہ نشینان کے درمیان مختلف امور پر تبادلہ خیال بھی ہوا۔