امریکی فوجیوں کیلئے 15 ستمبر تک ویکسینیشن کرانا لازمی قرار

واشنگٹن(این این آئی)امریکی وزیر دفاع نے 15 ستمبر تک امریکی فوج کے لیے کرونا ویکسی نیشن لازمی قرار دیدی۔ امریکا کی ریاست میساچوسٹس میں ویکسین لگوانے کے باوجود کورونا میں مبتلا ہوکر ہلاک ہونے والے افراد کی تعداد 100 ہوگئی۔مرنے والے افراد میں سے 73 فیصد کو دیگر بیماریاں بھی لاحق تھیں جبکہ اوسط عمر 82 برس سے زائد تھی۔ادھر کینیڈا نے ویکسین لگوانے والے امریکیوں کو ملک میں آنے کی اجازت دے دی۔