ڈکیتی کی کوشش ناکام کرکے  واردات میں ملوث ملزم کو گرفتار

کراچی (وقائع نگار)ویسٹ پولیس نے ڈکیتی کی کوشش ناکام کرکے واردات میں ملوث ملزم کو گرفتار کر لیا،ملزمان مومن آباد چوک کے قریب شہری ذیشان کو اسلحہ کے زور پر لوٹنے کی کوشش کر رہے تھے گشت پر معمور ایس ایچ او مومن آباد کی ٹیم نے موقع پر پہنچ کر کامیاب کارروائی کرتے ہوئے ملزم طاہر خان ولد سالار خان کو گرفتار کیا،گرفتار ملزم سے واردات میں استعمال ہونے والا غیر قانونی اسلحہ بمعہ ایمونیشن برآمدکرلیاگیاہے،ملزمان نے دوران انٹروگیشن اپنے ساتھیوں کے ہمراہ ڈکیتی اور راہزنی کی مزید وارداتوں کا اعتراف کیا، ایس ایس پی ویسٹ سوہائی عزیزکے مطابق ملزمان کیخلاف شہری کی مدعیت میں ڈکیتی سمیت دیگر دفعات کے تحت مقدمات درج ہیں ،ملزم کو مزید مقدمات میں شناخت اور تفتیش کے لئے تفتیشی حکام کے حوالے کیا جائے گاجبکہ ملزم سے برآمد اسلحہ فارنزک معائنے کیلئے بھیجا جائیگا،پولیس حکام کے مطابق ملزم کے فرار ساتھیوں کی گرفتاری کے لئے  کاروائیاں جاری ہیں۔