ہمیں اپنے تیر اندازوں سے بہت توقعات وابستہ: عدنان ارشد اولکھ

بہاول پور (خبر نگار)ہمیں اپنے تیر اندازوں سے بہت توقعات وابستہ ہیں آنیوالے وقت میں پوری دنیا انکی خدا داد صلاحیتوں کا مظاہرہ دیکھی گی جس سے پاکستان کا نام روزشن ہوگا ۔ ان خیالات کا اظہار ڈائریکٹر جنرل پنجاب سپورٹس بورڈ عدنان ارشد اولکھ نے بھور بن مری میں ہونے والی آل پنجاب انٹر ڈویژنل آرچری چمپئن شپ کی ابتدائی تقریب سے بطور مہمان خصوصی خطاب کرتے ہوئے کیا اس موقع پر بہاول پور ٹیم کے منیجر و ڈی ایس او عامر حمید اور دیگر ڈویژنز کے سپورٹس آفیسران بھی موجود تھے ۔ مہمان خصوصی ڈی جی سپورٹس عدنان ارشد اولکھ نے ہر ڈویژن کو آرچری (تیر اندازی ) کا سامان گفٹ کیا۔ سخت مقابلوں کے بعد بہاول پور کی گرلز تیر انداز کھلاڑیوں نے پنجاب بھر میں دوسری پوزیشن حاصل کی ۔ نتائج کے مطابق بہاول پور کی تیر انداز حنا مہتاب نے 284 ، شازیہ نے 165 جبکہ نگہت نے 171پوائنٹ حاصل کیے ۔