پاکستان نیٹ بال فیڈریشن ‘  کیلنڈر 23-2022 ء مقابلوں کا اعلان

لاہور(سپورٹس رپورٹر) پاکستان نیٹ بال فیڈریشن نے بین الاقوامی ایونٹس میں شرکت اور اندرون ملک ایونٹس منعقد کروانے کیلئے سالانہ کیلنڈر 23-2022 کا اعلان کردیا ہے۔ پاکستان نیٹ بال فیڈریشن کے سیکرٹری جنرل سید گوہر رضا نے بتایاکہ،ایشین ویمن نیٹ بال چیمپئن شپ 3 سے 11 ستمبر تک سنگاپور  اورایشین نیٹ بال فیڈریشن کی جنرل کونسل کا اجلاس 9 ستمبر کو سنگاپور میں ہوگا۔ دبئی انٹرنیشنل نیٹ بال ٹورنامنٹ یکم سے 3 دسمبر تک  امارات میں، ایشین مینز نیٹ بال چیمپئن شپ دسمبر یا جنوری میں سنگاپور یا ملائیشیا  اور انٹرنیشنل مینز نیٹ بال ٹورنامنٹ کی تاریخ اور جگہ اعلان بعد کیا جائیگا۔ سائوتھ ایشین مینز اینڈ ویمن نیٹ بال چیمپئن شپ 25 سے 28 مئی تک 2023 اسلام آباد ، ایشین یوتھ گرلز نیٹ بال چیمپئن شپ جون 2023 ء کوریا ، انٹرنیشنل گرلز انڈر 16 نیٹ بال چیمپئن شپ 27 سے 30 جون تک آسٹریلیا اور انٹرنیشنل جونیئر نیٹ بال سیریز جون میں ( تاریخ اور جگہ کا تعین بعد میں) اور ایشین کوچنگ اینڈ امپائرنگ کورس جون میں سنگاپور میں منعقد ہو گا۔
  اندرون ملک میںایونٹس میں جشن آزادی نیٹ بال مقابلے 14 اگست کو اور یوم دفاع نیٹ بال مقابلے 6 ستمبر کو ملک بھر میں ہونگے۔ نیشنل کوچنگ اینڈ امپائرنگ کورس 18 سے 21 ستمبر تک لاہور میں اور نیشنل انٹر ڈیپارٹمنٹ نیٹ بال چیمپئین شپ 22 سے 24 ستمبر تک لاہور میں کھیلی جائیگی۔ پی این ایف یوتھ گرلز نیٹ بال کپ 15 سے 17 اکتوبر تک کراچی میں اورکراچی بوائز اینڈ گرلز نیٹ کپ 12 سے 15 نومبر تک کراچی میں کھیلا جائیگا۔ پی این ایف گرلز نیٹ بال کپ 22 سے 24 دسمبر اور نیشنل جونیئر نیٹ بال چیمپئن شپ 13 سے 15 جنوری 2023 تک اور دونوں ایونٹس کی جگہ کا تعین بعد میں کیا جائیگا۔ کے جی ایس نیٹ بال کپ 25 سے 27 جنوری 2023 تک کراچی میں اور یوم یکجہتی کشمیر نیٹ بال نمائشی مقابلے 5 فروری کو ملک بھر میں ہونگے ،نیشنل بین الصوبائی مینز اینڈ ویمن نیٹ بال چیمپئن شپ 14 فروری کو اسلام آباد میں اور نیشنل مینز اینڈ ویمنز نیٹ بال چیمپئن شپ اور نیشنل انٹر سکول نیٹ بال چیمپئن شپ 15 سے 19 فروری تک اسلام آباد میں کھیلی جائیگی جبکہ پاکستان نیٹ بال فیڈریشن کی جنرل کونسل کا اجلاس 16 فروری کو اسلام آباد میں ہی ہوگا۔عالمی خواتین ڈے نیٹ بال مقابلے 8 مارچ کو ملک بھر میں اور یوم پاکستان نیٹ بال مقابلے 23 مارچ کو ملک بھر میںہونگے۔ قومی ٹیم کا سائوتھ ایشین چیمپئن شپ تیاری کے سلسلہ میں کھلاڑیوں کا تربیتی کیمپ 23اپریل سے 24 مئی تک کراچی یا اسلام آباد میں لگایا جائیگا۔ سمر نیٹ بال تربیتی کیمپ 10 سے 30 جون تک اسلام آباد، کراچی اور لاہور میں لگائے جائیں گے اور نیشنل بیچ نیٹ بال چیمپئن شپ 11 اور 12 جون کو کراچی میں کھیلی جائے گی۔