اسلام آباد (نمائندہ خصوصی) پیپلز پارٹی کے سنیٹر سلیم مانڈوی والا نے کہا کہ شہباز گل کے بیان سے پی ٹی آئی کی پاک فوج کے خلاف سازش بے نقاب ہو گئی ہے۔ شہباز گل کی جانب سے فوجی جوانوں کو اکسانے کی شدید مذمت کرتے ہیں۔ شہباز گل کا بیان قابل مذمت اور قابل افسوس ہے۔ شہباز گل ایک پڑھا لکھا شخص ہے جو پاکستان اور امریکہ میں یونیورسٹیز میں لیکچر دیتا ہے۔ شہباز گل کو معلوم ہونا چاہئے کہ کس طرح بیان دیا جاتا ہے۔ کیا کہنا چاہئے اور کیا نہیں۔ پاک فوج ملکی بقاء اور سلامتی کی ضامن ہے۔ پوری عوام پاک فوج کے ساتھ کھڑی ہے۔
سلیم مانڈوی والا