لاہور(سپورٹس رپورٹر)لاہور قلندرز کی ٹیم آئندہ ماہ نمیبیا میں سہ فریقی ٹورنامنٹ کھیلے گی۔ذرائع کے مطابق، ایونٹ میں لاہور قلندرز کا ڈویلپمنٹ سکواڈ شرکت کرے گا جبکہ بھارتی بنگال کی ٹیم نمیبیا میں ہونیوالے ٹورنامنٹ سے دستبردار ہوگئی ہے۔ذرائع کا کہنا ہے کہ جنوبی افریقہ کی لائنز اور نمیبیا کی ایگلز بھی ٹورنامنٹ میں شریک ہوں گی۔سہ فریقی ٹورنامنٹ یکم سے 5 ستمبر تک کھیلا جائے گا۔ ٹی 20 ٹورنامنٹ کے بعد قلندرز نمیبیا میں 2 ون ڈے بھی کھیلیں گے۔لاہور قلندرز اور ایگلز کے درمیان 50 اوورز کے میچز 7 اور 9 ستمبر کو ہوں گے۔