کمانڈرعراقی بحریہ لیفٹیننٹ جنرل احمد جاسم کی ایئرچیف سے ملاقات

اسلام آباد (خبرنگار خصوصی) کمانڈرعراقی بحریہ، لیفٹیننٹ جنرل احمد جاسم مارِج عبداللہ الزید نے بدھ کو سربراہ پاک فضائیہ ائیرچیف مارشل ظہیراحمد بابرسدھو سے ان کے دفتر میں ملاقات کی۔ ملاقات کے دوران دونوں معزز شخصیات نے پیشہ ورانہ اور باہمی دلچسپی کے امور پر تبادلہ خیال کیا۔ ترجمان پاک فضائیہ کے مطابق کمانڈرعراقی بحریہ، لیفٹینینٹ جنرل احمد جاسم مارِج عبداللہ الزید نے پاک فضائیہ کی پیشہ ورانہ مہارت کو سراہتے ہوئے پاک فضائیہ کی خود انحصاری کے میدان میں غیرمعمولی ترقی کی تعریف کی۔ ایئرچیف نے کہا کہ پاکستان اورعراق کے مابین دیرینہ مذہبی، ثقافتی اور تاریخی رشتہ استوار ہے جو دونوں ممالک کی افواج کے مابین مضبوط روابط کا مظہر ہے۔ ایئرچیف نے مزید کہا کہ پاکستان عراق کے ساتھ اپنے گہرے تعلقات کو قدر کی نگاہ سے دیکھتا ہے جوکہ آپریشنزاورٹریننگ، جنگی حکمت عملی کے ارتقائ، ٹیکنالوجی کے میدان میں درپیش چیلنجز، کانٹر سیکورٹی کے اقدامات اورعلاقائی امن واستحکام سے متعلق باہمی ہم آہنگی کے تمام امور پرمبنی ہیں۔ 
عراقی کمانڈر،ملاقات