ایمن آباد: امام بارگاہ کے اطراف لائٹس لگانے پرچیف کارپوریشن آفیسرکوخراج تحسین

ایمن آباد (نمائندہ نوائے وقت ),کمشنر گوجرانوالہ ڈویڑن وایڈمنسٹریٹر میونسپل کارپوریشن منصور قادر اور ڈپٹی کمشنر سائرہ عمر کے احکامات پر محرم الحرام کے موقع پر چیف کارپوریشن آفیسر خواجہ عمران صفدر کی نگرانی میں امام بارگاہ کے اطراف لائٹس روڈز پیچ ورک اور دیگر سہولیات بہم پہنچانے کے بہترین اقدامات کرنے پر شہریوں کا خراج تحسین۔تفصیلات کے مطابق میونسپل کارپوریشن کی حدود میں واقع 24 امام بارگاہ میں ہونے والی مجالس اور جلوسوں کے لیے لائٹس روڈ پیچ ورک اور لوڈ شیڈنگ جیسی ہنگامی صورتحال سے نپٹنے کے لیے جرنیٹر جیسے بہترین انتظامات کیے گئے۔اور یکم محرم تا دس محرم الحرام تک مجالس اور جلوسوں کے خاتمہ تک کارپوریشن کے افسران نے جانفشانی کے ساتھ اپنے فرائض سر انجام دیے۔شہریوں نے کمشنر و ایڈمنسٹریٹر میونسپل کارپوریشن اور ڈپٹی کمشنر سے مطالبہ کیا ہے محرم الحرام کے موقع پر جانفشانی کے ساتھ اپنے فرائض انجام دینے پر چیف آفیسر خواجہ عمران صفدر۔میونسپل آفیسر انفراسٹرکچر کاشف بٹ اورسب انجینئر گلزار احمد کو تعریفی اسناد دی جائیں۔