نواب شاہ (نوائے وقت رپورٹ) سندھ کے ضلع نواب شاہ میں مال گاڑی کو حادثہ پیش آیا ہے، جس کے نتیجے میں ٹرینوں کی آمد و رفت کا ٹریک بند ہوگیا۔ نواب شاہ میں دوڑ ریلوے سٹیشن کے قریب اپ لائن پر مال گاڑی کی دو بوگیاں پٹڑی سے اتر گئیں، جس کی وجہ سے ٹرینوں کی آمدورفت کا ٹریک بلاک ہوگیا۔ آخری اطلاعات تک ریلوے کی جانب سے امدادی کارروائیاں شروع نہیں کی جاسکیں۔ واضح رہے کہ چند روز قبل نواب شاہ سرہاری ریلوے سٹیشن کے قریب ہزارہ ایکسپریس کو حادثہ پیش آیا تھا، جس کے نتیجے میں 10 بوگیاں پٹڑی سے اتریں اور 30 سے زائد مسافر جاں بحق ہوئے تھے۔
مال گاڑی