لیہ: ٹائی راڈ کھلنے سے وین، ٹرک سے ٹکرا گئی، ایک خاندان کے 7افراد جاں بحق

لیہ (آئی این پی‘ این این آئی) لیہ کی تحصیل چوبارہ میں مسافر وین ٹرک سے ٹکرا گئی۔ حادثے میں سات افراد جاں بحق ہو گئے۔ ریسکیو کے مطابق مسافر وین ٹائی راڈ کھلنے کے باعث ٹرک سے ٹکرائی  جس کے باعث سات افراد موقع پر جاں بحق اور چھ زخمی ہو گئے۔ حادثے میں جاں بحق اور زخمی افراد قل خوانی کیلئے بھکر سے میاں چنوں جا رہے تھے۔ ریسکیو 1122 کے مطابق حادثے کا شکار تمام افراد کا تعلق ایک ہی خاندان سے ہے۔