نیوجرسی (نیٹ نیوز) امریکہ کے ایک شہری نے 78 گھنٹے سے زیادہ ورلڈ آف وارکرافٹ گیم کھیل کر اپنی دو عالمی ریکارڈ قائم کر لیے۔ نیو جرسی سے تعلق رکھنے والے جسٹن او ڈونل بڑے پیمانے پر ملٹی پلیئر آن لائن رول پلے گیم ورلڈ آف وارکرافٹ میں لاگ اِن ہوئے اور 78 گھنٹے اور 30 منٹ تک گیم کھیلا۔ جسٹن کو ہر گھنٹے میں 5 منٹ کے وقفے کی اجازت تھی لیکن انہوں نے اپنے آرام کا وقت سونے کے بجائے اپنے کتوں کے ساتھ کھانے اور کھیلنے میں استعمال کیا۔