راولپنڈی(جنرل رپورٹر)راولپنڈی ویسٹ مینجمنٹ کمپنی کی جانب سے بارش کے دوران اور بارش کے بعد شہرکی گلیوں، نالیوں کی صفائی کاکام مسلسل جاری ہے، بارشوں کے دوران آ ر ڈبلیو ایم سی کے ورکرز شہر کی سٹرکوں اور نالیوں کی بھرپور صفائی کر رہے ہیں، سی ای او رانا ساجد صفدرکے احکامات کی روشنی میں صفائی ورکرز کی اضافی تعداد شہر میں تعینات کر دی گئی ہے،صفائی ورکرز برستی بارش کے دوران ہی چھوٹی بڑی نالیوں کو اچھی طرح سے صاف کرنے میں مصروف رہے تاکہ شہر میں نکاسی آب کے مسائل پیدا نہ ہوں۔