ارشد ندیم قومی ہیرو ، اقوام عالم میں پاکستان کا نام روشن کیا،حاجی یعقوب

 حضرو (نمائندہ نوائے وقت) مسلم لیگ ن کے سنیئر نائب صدر حاجی یعقوب خان نے کہا ہے کہ اولمپکس میں ارشد ندیم نے نیا ورلڈ ریکارڈ قائم کیا ہے، ارشد ندیم قومی ہیرو ہیں، وطن عزیز کے اس سپوت نے اقوام عالم میں پاکستان کا نام روشن کر دیا ہے ایسے قومی ہیرو ہی قوم کے ماتھے کا جھومر ہوتے ہیں، جس پر پوری قوم کو ناز ہے۔ ارشد ندیم جیولن تھرو میں 97 .92 میٹر کی تھرو پھینک کر ورلڈ ریکارڈ قائم کر دیا ہے اور قومی اسٹار ارشد ندیم نے گولڈ میڈل جیت کر عالمی اولمپکس میں ایک نئی تاریخ رقم کر دی ہے، ان خیالات کا اظہار انہوں نے میڈیا سے گفتگو کے دوران کیا، انہوں نے کہا کہ بہت عرصے بعد ارشد ندیم نے پاکستان کے لیے عالمی سطح کا بہت بڑا اعزاز حاصل کیا ہے ۔