ضلع دیامر کےعلاقہ گیز بالا میں رات گئے متاثرین سیلاب کے امدادی کیمپ میں سردی سے بچاؤ کے لیے جلائے گئے چولہے سے اچانک آگ بھڑک اٹھی ، دیکھتے ہی دیکھتے بیس خیمے اس کی لپیٹ میں آ گئے۔ آگ سے سب سے زیادہ متاثر ہونے والے کیمپ میں چھ بچیاں اور ان کی ماں موجود تھی۔ آگ سے تین بچیاں موقع پر جھلس کر ہلاک ہوگئیں۔ آتشزدگی کے باعث تین بچیاں اور ان کی ماں جھلس کر زخمی بھی ہوئیں جنہیں ڈسٹرکٹ ہیڈ کوارٹرہسپتال چلاس پہنچا دیا گیا جہاں ایک بچی نے دم توڑدیا، ڈاکٹرز کے مطابق دو بچیوں کی حالت تشویشناک ہے۔