بارسلونا (آئی اےن پی) ارجنٹائن کے مایہ ناز اور عالمی شہرت یافتہ فٹ بالر لائنل میسی نے ایک سال میں سب سے زیادہ گول کرنے کا نیا ریکارڈ قائم کر دیا۔ بارسلونا کلب کی جانب سے کھیلنے والے 25 سالہ میسی نے رئیل بیٹس نامی کلب کے خلاف سنسنی خیز مقابلے میں 2 گول کئے اور اس کے ساتھ ہی رواں برس میں ان کے گولز کی تعداد 86 ہوگئی۔ میسی نے ایک سال میں 86 گول کر کے 40 برس پرانا جرمنی کے کھلاڑی گیرڈ مولرز کا ریکارڈ بھی توڑ دیا جنہوں نے 1972ءمیں سب سے زیادہ 85 گول کر کے ریکارڈ قائم کیا تھا۔