لاہور(سپورٹس رپورٹر+نمائندہ سپورٹس) قائد اعظم ٹرافی کرکٹ ٹورنامنٹ میں لاہورریجن وائٹس اور راولپنڈی کے مابین ہارجیت کے بغیر ختم ہوگیا، لاہور ٹیم نے تین پوائنٹس حاصل کرلیے۔ میچ کو امپائرز نے خراب روشنی کے باعث وقت سے پہلے ختم کردیا اور میچ ہار جیت کے بغیر ختم ہوگیا۔ تاہم پہلی اننگزمیں اٹھارہ رنز کی برتری کی بدولت لاہور ٹیم تین پوائنٹس حاصل کرنے میں کامیاب ہوگئی۔ لاہور ریجن وائٹس کی ٹیم راولپنڈی کیخلاف چوتھے روز صرف ایک سو آٹھ رنز بنا آئوٹ ہوگئی۔اس سے پہلے لاہور نے پہلی اننگز میں دو سو ایک جبکہ راولپنڈی نے ایک سو تراسی رنز بنائے۔