لاہور (سپورٹس رپورٹر+نمائندہ سپورٹس ) انگلینڈ لائنز نے پاکستان اے کو دوسرے ٹی ٹونٹی میچ میں 41رنز سے شکست دے کرپانچ میچوں کی سیریز ایک ایک سے برابر کردی ۔ انگلینڈلائنز نے 5وکٹوں پر 164رنز بنائے ۔ میلان نے 80رنز کی اننگز کھیلی۔رومان رئیس نے دو کھلاڑیوں کو آئوٹ کیا۔ کپتان جنید خان 40رنز کے عوض کوئی وکٹ حاصل نہ کرسکے ۔قومی اے ٹیم 19.3اوورز میں 123رنز بناکر آئوٹ ہوگئی ۔سات کھلاڑی ڈبل فیگر میں بھی داخل نہ ہوسکے ۔صہیب مقصود نے 40‘بابر اعظم نے 35رنز بنائے ۔اوورٹن نے تین‘بال اور ڈاسن نے دو دو کھلاڑیوں کو آئوٹ کیا۔تیسرا میچ آج کھیلا جائے گا۔