لاہور(سپورٹس رپورٹر+نمائندہ سپورٹس)پاکستان کر کٹ بورڈ نے پاکستان سپر لیگ کیلئے 308 کھلاڑیوں کے ناموں کا اعلان کردیا۔پہلی سپر لیگ میں 138پاکستانی کھلاڑی شرکت کریں گے۔ کھلاڑیوں کی ڈرافٹنگ21 اور 22 دسمبر کو ہوگی ۔ ڈرافٹنگ میں سپاٹ فکسنگ میں سزا یافتہ محمد عامر کانا م شامل کرلیا گیا ہے جبکہ محمد آصف اور سلمان بٹ کو شامل نہیں کیا گیا۔کر۔ کھلاڑیوں کو 5 کیٹگریزمیں تقسیم کیا گیا ہے۔ 308کھلاڑیوں میں پاکستان کے138 کھلاڑی شامل ہیں ۔ انگلینڈ کے 59 ‘ویسٹ انڈیزکے 38، سری لنکا کے 22اور آسٹریلیاکے 10 کھلاڑیوں کے نام پی ایس ایل میں شامل کیے گئے ہیں۔غیر ملکی کھلاڑیوں میں کرس گیل ‘کیون پیٹرسن‘شن واٹسن‘جے وردھنے ‘سنگاکارا‘ کیون پولارڈ‘ڈیرن سمی‘لاستھ مالنگاشکیب الحسن سمیت کئی کھلاڑیوں کے نام فہرست میں شامل ہیں ۔پی ایس ایل کے سفیر رمیز راجہ نے محمد عامر کی شمولیت کی مخالفت کردی اور کہاکہ پاور میں ہوتا تو ایسا کبھی نہ ہوتا۔