اسلام آباد (سٹاف رپورٹر) بری فوج میں اعلیٰ سطح کے دو تبادلے کئے گئے ہیں۔ آئی ایس پی آر کے مطابق کور کمانڈر لاہور لیفٹیننٹ جنرل عامر ریاض کو تبدیل کرکے اسلام آباد میں نیشنل یونیورسٹی کا صدر بنا دیا گیا۔ ان کی جگہ لیفٹیننٹ جنرل ماجد احسان کو لاہور کا نیا کور کمانڈر مقرر کر دیا گیا ہے۔ ماجد احسان اس وقت نیشنل ڈیفنس یونیورسٹی کے موجودہ صدر ہیں۔ واضح رہے کہ لیفٹیننٹ جنرل عامر ریاض اگلے برس ستمبر میں ریٹائر ہو جائیں گے جبکہ لیفٹیننٹ جنرل ماجد احسان کی مدت ملازمت کے ابھی تین برس باقی ہیں۔ نئے سال کی پہلی سہ ماہی میں بری فوج کے اندر مزید اعلیٰ سطح کے تقرر و تبادلے کئے جائیں گے۔ جنرل قمر جاوید باجوہ نے نئی تقرر و تبادلوں کی منظوری دیدی ہے۔
فوج تبادلے