لاہور(سپورٹس ڈیسک)نیشنل ٹی ٹونٹی کپ کے پہلے میچ میں راولپنڈی نے اسلام آباد کو 6رنز سے ہرادیا۔ ملتا ن میں کھیلے گئے میچ میں راولپنڈی نے پہلے بیٹنگ کرتے ہوئے مقررہ بیس اوورز میں چار وکٹوں کے نقصان پر 154رنز بنائے۔ راولپنڈی کی جانب سے سمیع اسلم 55‘ ناصرنواز23‘ حیدرعلی28‘ عمر امین 18‘ حماد اعظم22جبکہ سہیل تنویر نے 2رنزبنائے۔اسلام آباد کی طرف سے عماد وسیم ‘ سہیل خان‘ جنید خاں‘ عمر گل نے ایک ایک وکٹ حاصل کی ۔جواب میں اسلام آباد کی ٹیم سات وکٹوں پر148رنز بناسکی۔عابدعلی5‘ روحیل نذیر21‘ فیضان ریاض32‘ افتخار احمد1‘ عدیل ملک4‘ صمد بھٹی6‘ عماد وسیم 33‘ سہیل خان39اور عمر گل کوئی رنز نہ بنا سکے۔ فاتح ٹیم کی جانب سے آصف علی اور زاہد منصور2‘2جبکہ خالد عثمان اور صہیب اللہ نے ایک ایک وکٹ حاصل کی۔