قصور(نمائندہ نوائے وقت) نواح دفتوہ کے قریب تیز رفتار موٹرسائیکل ندی نالہ میں گرنے سے دو خواتین سمیت تین افراد جاں بحق ہو گئے۔ ریسکیو نے نعشوں کو ہسپتال منتقل کردیا۔ قصور سے گاؤں دفتو کی جانب جانے والے تین موٹرسائیکل سوارتیز رفتاری کی وجہ سے بے قابو ہو کر موٹرسائیکل ندی نالہ میں گر گئی۔ جس کے نتیجہ میں دوخواتین سمیت تین افراد جان کی بازی ہار گئے۔ جاں بحق ہونے والوں میں پچاس سالہ محمد اسحاق، چالیس سالہ رانی بی بی اور بیالیس سالہ صغراں بی بی شامل ہیں۔