بورے والا(نامہ نگار) پاکستان تائیکووانڈو ایسوسی ایشن کے زیر اہتمام ملتان ڈویژن سونا سولیڈرٹی جونیئر تائیکووانڈو چیمپئن شپ قائد اعظم سٹیڈیم کے جمنیزیم ہال میں منعقد ہوئی جس میں ملتان،وہاڑی،لودھراں اور خانیوال کے اضلاع کے کھلاڑیوں نے حصہ لیا۔اس چیمپیئن شپ میں بورے والا نے پہلی،وہاڑی نے دوسری اور خانیوال نے تیسری پوزیشن حاصل کی چیمپیئن شپ کے اختتام پر مہمانان خصوصی ملک فاروق اعوان اور شکیل یوسف اعوان،رائے احسان اللہ منج ، چوہدری اصغر علی جاوید اور طاہر شریف گجر نے مقابلے جیتنے والے کھلاڑیوں میں میڈلز اور سرٹیفکیٹ تقسیم کئے ۔