لاہور (نیوز رپورٹر) مسلم لیگ کے صدر و سابق وزیراعظم چودھری شجاعت حسین کے صاحبزادے شافع حسین سے گجرات کی سیاسی و تجارتی شخصیات نے ملاقات کی جن میں مشاہد رضا ،ملک سرفراز احمد ،ملک عبداﷲ ،شیخ ارشد‘ سیٹھ سلیم‘ سید اسد شاہ‘ سید سیف دلاور‘ مقدس یاسین بٹ اور قذافی چودھری شامل تھے۔ انہوں نے شجاعت حسین کی خیریت دریافت اور جلد مکمل صحتیابی کیلئے دعا بھی کی۔  شافع حسین سے وفد نے گجرات کے سیاسی اور سماجی معاملات پر تبادلہ خیال کیا۔