شوتوبان کراٹے ییلو، اورنج اور گرین بیلٹس کے ٹیسٹ کا انعقاد 

ملتان (جنرل رپورٹر)شوتوبان کراٹے انٹرنیشنل پاکستان کے زیر اہتمام  چیف انسٹرکٹر خالد حلیم کی زیر نگرانی ییلو، اورنج اور گرین بیلٹس کے ٹیسٹ کا انعقاد ہوا ۔  مہمان خصوصی چوہدری شیر افگن، محمد اظہاربھٹی ، خلیل احمد قریشی اور شاکر قریشی تھے۔ بیلٹ ٹیسٹ میں الشمس ، الفدا میموریل، سلور بیلز، ایلیٹ اور شہنشاہ شوتوبان کراٹے کلب کے کھلاڑیوں نے جسمانی مضبوطی، کراٹے فائٹ، ککس، پنچ، سیلف ڈیفنس، کاتا اور جنرل نالج کا ٹیسٹ دیا۔ اورنج سے گرین میں عظمت اللہ پہلی فرحان احمد دوسری، ییلو سے اورنج میں حیدرسلطان پہلی، نبیل اقبال دوسری، سجاداحمد تیسری اور محمد عثمان نے چوتھی جبکہ وائٹ سے ییلو بیلٹ میں محمد کیف پہلی، محمد انصب، محمد سبحان دوسری ،نعمان علی عبدالمنان تیسری اور رومان علی نے چوتھی پوزیشن حاصل کی۔کامیاب کھلاڑیوں کو کلر بیلٹس اور سرٹیفکیٹس ایوارڈ دیے گئے ۔