ای ایف پی کے وفد سے آئی ایل او انگیجمنٹ یونٹ سربراہ کی ملاقات 

کراچی(کامرس رپورٹر)انٹرنیشنل لیبر آرگنائزیشن (آئی ایل او) کے ایم این ای ڈی انگیجمنٹ یونٹ کی سربراہ گیتھا رویلنز نے ایمپلائرز فیڈریشن آف پاکستان (ای ایف پی) کے نائب صدر ذکی احمد خان اور سینئر ایڈوائزر فصیح الکریم صدیقی شامل جس میں سنگاپور میں 17ویں ایشیا پیسیفک ریجنل میٹنگ کے موقع پر ملاقات کی اور باہمی دلچسپی کے امور پر تبادلہ خیال کیا۔ ای ایف پی کے نائب صدر ذکی احمد خان نے گیتھا رویلنز کو گذشتہ دو سالوں کے دوران پاکستان میں ایم این ای ڈی پروجیکٹ کے فوکل پوائنٹ کے طور پر ای ایف پی کی جانب سے کی گئی سرگرمیوں سے آگاہ کیا۔ملاقات میں ای ایف پی کے اسٹریٹیجک پلان پر بھی تبادلہ خیال کیا گیا تاکہ بقیہ مدت کے دوران ایم این ای ڈی کے اصولوں کو آگے بڑھایا جا سکے نیز مستقبل کے فروغ کی سرگرمیوں، ایم این ای ڈی کی رسائی کو اسپورٹس گڈ انڈسٹری سے آگے بڑھانا ہے تاکہ دیگر صنعتی شعبوں جیسے آٹوموٹیو، مینوفیکچرنگ، فارماسیوٹیکل، فوڈ اینڈ بیوریج کے ساتھ ساتھ سروس سیکٹر کا بھی احاطہ کیا جا سکے۔مزید برآں دیگر مقرر کردہ سرگرمیوں میں ایم این ای ڈی میں ذمہ دارانہ پریکٹس کیس اسٹڈیز کی  میڈیا مہم، ایم این ای ڈی کے اصولوں کا مقامی زبانوں میں ترجمہ، منیجرز، سپروائزرز اور ورکرز کو سپلائی چین اور ایس ایم ایز وغیرہ کے ایم این ای ڈی اصولوں میں تربیت شامل ہے۔گیتھا رویلنز نے پاکستان میں ایم این ای ڈی اصولوں کو فروغ دینے کے لیے ای ایف پی کی طرف سے آگے بڑھنے کے طریقے کو سراہتے ہوئے یقین دلایا کہ وہ ایکشن پلان پر عمل درآمد میں ای ایف پی کو زیادہ سے زیادہ تکنیکی مدد کے امکان پر غور کریں گی۔بعد ازاں 17ویں ایشیا پیسیفک ریجنل اجلاس میں ایم این ای ڈی اصولوں پر گیتھا رویلنز اور ذکی احمد خان نے تفصیلات پیش کیں جس میں ای ایف پی کی طرف سے 2021 میں سہ فریقی اسٹیک ہولڈرز کے فوکل پوائنٹ کے طور پر انتخاب کے بعد سے شروع کی گئی متعدد سرگرمیوں کا خاکہ پیش کیا۔واضح رہے کہ پاکستان کا شمار ان چند ممالک میں ہوتا ہے جو آئی ایل او  میں ایم این ای ڈی کے لیے فوکل پوائنٹ رکھتے ہیں۔